සරසවි ආචාර්යවරුන් සහ නිදහස් අධ්‍යාපනය උදෙසා වෘත්තීය වේදීන් අද(03) දින නිදහස් අධ්‍යාපනයත් නිදහස් සෞඛ්‍යත් සුරක්ෂිත කිරීම සඳහා වූ SAITM විරෝධී අඛණ්ඩ උපවාසය සමඟ එක්වෙන ලදි.

කොළඹ කොටුව දුම්රිය ස්ථානය ඉදිරිපිට සයිටම් විරෝධී සිසු ජන ව්‍යාපාරය විසින් සංවිධානය කරනු ලබන මෙම උපවාස ක්‍රියාමාර්ගයේ 14වන දිනය සඳහා ඔවුන් සිය සහාය ලබා දී තිබුණි.

දිනෙන් දින SAITM ආයතනයට එරෙහිව ගොඩ නැගෙමින් පවතින මෙම විරෝධයන් යටපත් කිරීමට පමණක් උත්සාහ කරමින් සිටින ආණ්ඩුව නැවත වටයකින් මේ සම්බන්ධ ව්‍යාජ මැදිහත්වීමක් උදෙසා වාර්තාවක් ඉදිරිපත් කිරීමට සුදානම් වෙමින් සිටි. ජනාධිපති මෛත්‍රීපාල සිරිසේනගේ සෘජු මැදිහත්වීමෙන් සිදුකරන මෙම වාර්තාව දින 10ක් තුල ලබා දෙන ලෙස කොමිසමට දැනුම් දී තිබු අතර ඒ සඳහා පාර්ශව පත්කිරීම තුලින්ම වාර්තාවේ නිගමන හරහා අලුතින් යමක් බලාපොරොත්තු නොවිය හැකි බව ඉතා පැහැදිලිය.