Latest news
A+ R A-

විදෙස්

altසිරියානු ගුවන් ආරක්ෂක අංශයේ ප්‍රධානියා වන ජෙනරාල් හුසේන් ඉෂ්හාක් සිරියානු කැරළිකරැවන්ගේ ප්‍රහාරයකින් මියගිය බව ජාත්‍යන්තර මාධ්‍ය වාර්තා කරයි. සිරියාවේ සිවිල් යුද තත්වය තුලදී එරට මියගිය ඉහළම ආරක්ෂක අංශ නිලධාරියා වන්නේ හුසේන් ඉෂ්හාක්ය. සිරියානු ජනාධිපතිගේ පාලනය විසින් සිරියානු කැරලිකරුවන්ට එරෙහිව එල්ලකරනු ලබන ගුවන් ප්‍රාහාරයන්ට හා සිරියානු ගුවන් ආරක්ෂක අංශයේ මෙහෙයුම් සිදුකරනු ලබන්නේ ජෙනරාල් හුසේන්ගේ අධීක්ෂණය යටතේ බව එම වාර්තා සදහන් කරයි. 

altමේවන විට වියට්නාමය තුල මතුව ඇති චීන විරෝධී ප්‍රචණ්ඩ ක්‍රියා හේතුවෙන් චීන ජාතිකයන් 21 දෙනෙකු මියගොස් ඇති අතර තවත් සියයකට ආසන්න පිරිසක් තුවාල බලා ඇතැයි වාර්තාවේ. මතභේදයට තුඩුදී ඇති දකුණු චීන මුහුදේ පිහිටි දුපත් ආශ්‍රීතව චීනය විසින් කරණූ ලබන ඛනිජ තෙල් ගවේෂණ හේතුවෙන් මෙම ප්‍රචණ්ඩ ක්‍රියා ඇරඹුනි. 

හින්දු ජාතිකවාදී පක්ෂය වන භාරතීය ජනතා පක්ෂය මෙවර ඉන්දීය මැතිවරණයෙන් ප්‍රබල ජයග්‍රහණයක් ලබා ගැනීමත් සමග එම පක්ෂයේ අගමැති අපේක්ෂක ලෙස ඉදිරිපත් වූ නරේන්ද්‍ර මෝඩි මීළග ඉන්දීය අගමැතිවරයා ලෙස ඉදිරියේදී පත්වීමට නියමිව ඇත. එරට මැතිවරණ කොමිසම වාර්තාවලට අනුව මේ වන විට ප්‍රථිඵළ නිකුත්වී ඇත්තේ ආසන 543න් ආසන 536ක පමණි. එම ප්‍රථිඵළය අනුව භාරතීය ජනතා පක්ෂය ආසන 276 ක් ලබා ගනිමින් සිය මැතිවරණ ඉතිහාසය තුල ඓතිහාසික ලකුණක් සටහන් කිරීමට සමත්වී ඇත.  

ඉන්දීය මැතිවරණයේ ඡන්ද ගණන් කිරීම අද උදෑසන ආරම්භ වීමෙන් පසුව මෙවන විට එනම් පෙරවරු 11.15වන විට ගණන් කර ඇති ඡන්ද ප්‍රථිපළ අනුව භාරතීය ජනතා පක්ෂය ඉදිරියෙන් සිටී. දැනට ප්‍රථිපළ නිකුත් කර ඇත්තේ ආසන 518ක් වන අතර එම ආසනවලින් ආසන 266ක් මේවන විට ජය ගැනීමට භාරතීය ජනතා පක්ෂය සමත්වී ඇත. ප්‍රථිශතයක් ලෙස 35.8%  ඉක්මවා ඇත. 

altතුර්කියේ ගල් අගුරු ආකරයක සිදුවූ පිපිරීමෙන් පසු එහි‍  සේවය කළ 282ක් මියගාස් ඇති බව තුර්කි බලධාරින් පවසයි. පසුගිය අගහරුවාදා සිදුවූමෙම පිපිරීමෙන් පසුව තුර්කියේ අගනුවර වන අන්කරා ඇතුළු ප්‍රධාන නගරවල මේ වන විට ආණ්ඩුවට එරෙහි උද්ඝෝෂණ ආරම්භ වී ඇත.

පසු ගිය ඉරිදා (11) සහ සඳුදා (12) ස්වයං නිර්ණය අයිතිය සඳහා පැවතිජනමතවිචාරණවලදී යුකේ‍්‍රනයේ ඩොනෙට්ස්ක් හා ලූහාන්ස්ක් ප‍්‍රදේශ වල ජනතාව එරටින් බෙදී වෙන් ව ස්වාධීන ව කටයුතු කිරීමට තීරණය කළෝය. 
ස්වයං නිර්ණය අයිතිය සඳහා වූ යෝජනාවට පක්ෂව ඩොනෙට්ස්ක් හි ප‍්‍රකාශිත ඡුන්ද වලින් 90% ක් ද ලූහාන්ස්ක් හි ප‍්‍රකාශිත ඡුන්ද වලින් 96% ක් ද කැමැත්ත ප‍්‍රකාශ කළේය.  ඩොනෙට්ස්ක් හා ලූහාන්ස්ක් ප‍්‍රදේශ වල පිළිවෙලින් මුලූ ජනගහණයෙන් 70% ක් හා 75% ක් ස්වෛරීත්ය සඳහාපැවති මෙම ජනමතවිචාරණවල දී ඡුන්දය ප‍්‍රකාශ කළෝය.
එසේ වූවත් ඇමරිකාව ඇතුළු බටහිර රටවල් මෙම ජනමතවිචාරණවල වලංගුබව පිළිගැනීමට ප‍්‍රතික්ෂේප කරනා අතර එම රටවල් පවසා සිටින්නේ ඒවා රුසියානු අතපෙවීම් මඟින් සංවිධානය කරන ලද සාපරාධී ව්‍යාජයන් බවයි. ඩොනෙට්ස්ක් හා ලූහාන්ස්ක් ස්වාධීන රාජ්‍යයන් ලෙස පිළිගැනීමද ඔවුන් ප‍්‍රතික්ෂේප කොට ඇත.

altදකුණු චීන මුහුදු පුදේශයේ මතභේදයට කලක් වී ඇති දූපත් ආශ්‍රිතව චීනය විසින් ඛනිජ තෙල් කැනීම් ආරම්භ කිරීමත්, තම රටට අයත් යාත්‍රාවලට චීනය කරනු ලබන අවහිර කිරීම් වහා නතර කරන ලෙසත්, මෙම ප්‍රකොපකාරී ක්‍රියා වහා අවසන් කලයුතු බවට  චීන රජයට බලකරමින් හැනෝයි නුවර පිහිටි චීන තානාපති කාර්යාල ඉදිරිපිට වියට්නාම ජනතා උද්ඝෝෂණ ආරම්භ වී ඇතැයි වාර්තාවේ. 

ඩෙන්මාර්කයේ කෝපන්හේගන් අගනුවර පැවති 59 වන යුරෝ විෂන් ගායනා තරඟය ජය ගැනීම ට 25 හැවිරිදි ඕස්ට්‍රියානු ජාතික කොන්චිටා වර්ස්ට් සමත් විය.

කොන්චිටාගේ සැබෑ නම ටොම් නිව්වර්ත් ය. උපතින් පිරිමියෙක් වූවත් කොන්චිටා තමන් ව හඳුන ගන්නේ ගැහැණියක් ලෙස යි. නමුත් ස්ත්‍රීයක් ලෙස අඳින, පළඳින, හැසිරෙන ඇය මුහුණ පුරාම පිරිමියෙකු මෙන් රැවුල වවා සිටී. ඒ නිසාම මාධ්‍ය මඟින් ඇයව හඳුන්වනු ලැබුවේ “රැවුල වවා ගත් රූමතිය”නමිනි.

ජයග්‍රහණයෙන් අනතුරු ව කොන්චිටා කියා සිටියේ යුරෝපායේ ජනතාව තමා ට ඡන්දය දීම තුළින් තමා සමඟඑක් ව සිටගෙන ඇති බවයි.

“මා සිහින දකින්නේ ලිංගිකත්වය, තමන් ආදරය කරන්නේ කාට ද වැනි අනවශ්‍ය දේ ගැන කතා කිරීමට සිදු නොවන ලෝකයක් ගැනයි. මට අද හිතෙන්නේ යුරෝපීය ජනතාව පෙන්වා දී තිබෙන්නේ අපි අගතිගාමී නැති අන් අයට ගරු කරනා ජනතාවක් බව යි”.

ඇබා, සෙලීන් ඩියෝන් වැනි ජනප්‍රිය තරු රැසකගේ තිඹිරි ගෙය වූ යුරෝ විශන් තරඟය සෑම වසරකම පවත්වන්නේ රටවල් 37 ක තරඟකරුවන්ගේ සහභාගිත්වයෙනි. සමලිංගික ජනතාව අතර එය ජනප්‍රිය වූව ද කොන්චිටාගේ ජයග්‍රහණය සමලිංගිකත්ව ය පිළිබඳව යුරෝපයේ ඇති මත ගැටුම කරළියට ගෙනැවිත් තිබේ. රුසියාව, ආර්මෙනියාව සහ බෙලරුසියා ව කොන්චිටා ව තරඟයෙන් තහනම් කරනා ලෙසට ද ඉල්ලීම් කරනා ලදි.

නයිජීරයාවේ චිබෝක් නඟරයේ පාසලකින් ගැහැණු ළමුන් 300ක් පැහැර ගැනීමේ සිද්ධියට පැය 04කට පෙර පැහැර ගැනීම සිදු කරන ලද බොකෝ හරාම් සංවිධානයේ සාමාජිකයින් එම නඟරය වෙත ලඟාවෙමින් සිටි බවට නයිජීරියානු ආරක්ෂක අංශ දැනුවත්ව සිටියේ යැයි ජාත්‍යන්තර ක්ෂමා සංවිධානය චොදනා කරයි. 
ක්ෂමා සංවිධානය පවසන්නේ ප‍්‍රහාරය පිළිබඳව ආරක්ෂක අංශවලට අනතුරු හඟවා තිබුණමුත් සම්පත් හිඟය සහ පලපුරුදු කැරලිකරුවන් සමඟ සටන් කිරීමට ඇති අකමැත්ත නිසා චිබෝක් ප‍්‍රදේශයට ආරක්ෂක අංශ එවිමෙන් ඔවුන් වැලකී සිටි බවයි. 
මෙම ගැහැණු ළමුන් 300 දෙනා පැහැරගනු ලැබුවේ පසුගිය අපේ‍්‍රල් 15 වෙනිදාය. ළමුන් කිහිප දෙනෙකු පසුව පලා ආ නමුත් තවමත් 276ක් පමණ දෙනා බොකෝ හරාම් අන්තවාදීන්ගේ ග‍්‍රහනයේ සිටී. 
නයිජීරියාවේ දකුණු ප‍්‍රදේශයේ ප‍්‍රභළව ක‍්‍රියාකාරී වන බොකෝ හරාම් සංවිධානය කරන ලද මෙම පැහැර ගැනීම නයිජීරියාව තුළ මෙන්ම ජාත්‍යන්තරවද මහජනතාවගේ දැඩි පිළිකුලට ලක්ව ඇති අතර සිකුරාදා (09* වන විට පැහැර ගන්නා ලද ගැහැනු ළමුන් සොයාගැනීමේ මෙහෙයුම් සඳහා ඇමෙරිකානු සහ බි‍්‍රතාන්‍ය හමුදා නයිජීරියාවේ අග නුවර වන අබූජා නඟරයට පැමිණීම ආරම්භ කොට ඇත. 

Page 6 of 19

පුවත්

online

We have 89 guests online