රැළිය අමතා අදහස් දැක්වූ අ.වි.ශි.බ.ම. කැදවුම්කරු ළහිරු වීරසේකර කියා සිටියේ සයිටම් විරෝධී අරගලය ආරම්භ කළේ ශිෂ්‍ය ව්‍යාපාරය වුවද ආණ්ඩුව විසින් ගෙන ඇති බවට ප්‍රකාශ කළ සයිටම් ආයතනය අහෝසි කිරිමේ තීරණය දැවැන්ත ජනතා බලවේගයක ජයග්‍රාහී මංසන්ධියක් බවයි. තවදුරටත් අධ්‍යාපනය හා සෞඛ්‍ය වෙළෙද භාණ්ඩකරණයට එරෙහි අරගලයට සියලු බලවේගවල සහයෝගය අවශ්‍ය බව එහිදී ඔහු පෙන්වා දුන්නේය. තවද සයිටම් අරගලයේදී ඇත්ත ජනතා අරමුනු සමග සටන් වැදුනේ කවුරුන්ද යන්නත් අරගලයට පිටුපා පාලකයන්ගේ අරමුනු වෙනුවෙන් පාවාදීම් කළේ කවුරුන්ද යන්නත් හෙලිදරව් වූ බවද කීය. එසේම සයිටම් විරෝධී අරගලය හමුවේ දණ නැමූ පාලකයන් හෙට දවසේ වංචනික ලෙස කටයුතු කරයි නම් එහිදී අද ගලවා දමන වේගයට වඩා වේගයෙන් යළි අරගල පැන නැගෙන බවට අවධාරණය කළේය.